ठाणे जिल्ह्यातील मुंब्रा शहरातील AIMIM च्या “कैसे हराया ” फेम” सहर शेख यांच नगरसेवक पद रद्द?

ठाणे जिल्ह्यातील मुंब्रा येथील AIMIM पक्षाच्या नगरसेविका सहर शेख यांचे नगरसेवक पद धोक्यात आले आहे. त्यांचे जात वैधता प्रमाणपत्र अवैध असल्याचा अहवाल ठाणे तहसीलदार उमेश पाटील यांनी सादर केला आहे.
प्रकरण काय आहे?
बनावट प्रमाणपत्र: सहर शेख यांनी शासकीय यंत्रणांची दिशाभूल करून महाराष्ट्राचा बनावट जातीचा दाखला मिळवल्याचा आरोप त्यांच्यावर आहे.
तहसीलदारांचा अहवाल: ठाणे तहसीलदारांच्या चौकशीत सहर शेख यांचे वडील युनूस इकबाल शेख हे मूळचे उत्तर प्रदेशातील गाझियाबाद येथील रहिवासी असल्याचे समोर आले आहे.
नियम उल्लंघन: स्थलांतरितांसाठी आवश्यक असलेला ‘नमुना १०’ वापरण्याऐवजी, त्यांनी ‘नमुना ८’ चा वापर करून अधिकार्यांची दिशाभूल केल्याचे अहवालात म्हटले आहे. सहर शेख या ठाण्याच्या रहिवासी असताना त्यांनी मुंबई शहर जिल्हाधिकारी कार्यालयातून जात प्रमाणपत्र मिळवल्याने संशय व्यक्त करण्यात आला आहे.
राजकीय परिणाम
अपात्रतेची टांगती तलवार: जात प्रमाणपत्र अवैध ठरल्यामुळे सहर शेख यांचे नगरसेवक पद रद्द होण्याची दाट शक्यता निर्माण झाली आहे.
कायदेशीर कारवाई: तहसीलदारांनी हे प्रमाणपत्र रद्द करण्याची शिफारस केली असून, फौजदारी गुन्हा दाखल करण्याचे संकेतही दिले आहेत.
पार्श्वभूमी: सहर शेख या मुंब्रा प्रभाग क्रमांक ३० मधून निवडून आल्या आहेत. निवडणुकीतील विजयानंतर त्यांनी दिलेल्या “कैसे हराया” या डायलॉगमुळे त्या राज्यभर चर्चेत आल्या होत्या.
सध्या सहर शेख आणि त्यांचे कुटुंब या प्रकरणावर मौन बाळगून असून, जात वैधता पडताळणी समितीच्या अंतिम निर्णयाकडे सर्वांचे लक्ष लागले आहे.