बदलापूर पश्चिम प्रभाग क्रमांक २ , शिवसेनेच्या जाहीर सभेत, आश्वासनांची बरसात,,, झालेल्या विकासकामांचा दिला आढावा,,

बदलापूर पश्चिम प्रभाग क्रमांक २ मधील शाश्वत पार्क परिसरात शिवसेनेचे अधिकृत उमेदवार श्री. हेमंत चतुरे आणि सौ. कविता मेहेर यांच्या प्रचारार्थ भव्य सभेचे आयोजन करण्यात आले होते. या सभेला परिसरातील नागरिकांनी उत्स्फूर्त प्रतिसाद देत मोठ्या संख्येने उपस्थिती दर्शवली.

सभेदरम्यान नागरिकांशी संवाद साधताना शिवसेनेच्या माध्यमातून या भागात झालेल्या आणि सुरू असलेल्या विविध विकासकामांची सविस्तर माहिती देण्यात आली. प्रभाग क्रमांक २ मध्ये रस्ते-विकास, ड्रेनेज व्यवस्था सुधारणा, स्वच्छता उपक्रम, सार्वजनिक सुविधा, उद्याने, पिण्याच्या पाण्याची उपलब्धता, तसेच सामाजिक आणि शैक्षणिक सोयीसुविधांच्या उभारणीत शिवसेनेने सातत्याने केलेल्या कामांचा आढावा यावेळी नागरिकांसमोर मांडण्यात आला.

शिवसेनेचे उमेदवार श्री. हेमंत चतुरे आणि सौ. कविता मेहेर यांनी नेहमीच लोकसंपर्क, समस्यांचे निवारण आणि नागरिकांच्या हितासाठी तत्परतेने काम केले आहे. त्यांच्या विजयामुळे प्रभाग क्रमांक २ चा विकास अधिक वेगाने आणि प्रभावीपणे पुढे नेला जाईल, असा विश्वास उपस्थितांनी व्यक्त केला.

नागरिकांच्या उत्स्फूर्त सहभागाबद्दल आणि शिवसेनेवरील दृढ विश्वासाबद्दल सर्वांचे मनःपूर्वक आभार मानत, आगामी निवडणुकीत मोठ्या मताधिक्याने शिवसेनेचे उमेदवार विजयी व्हावेत, असे आवाहन सभेच्या माध्यमातून करण्यात आले.